ايه حكاية كارثة النوويه اللي في روسيا ؟ هو ممكن الاشعاع يوصل لينا ؟

+ 1
@مجهول مجاب + 1 80 مشاهدات 6 إجابات منذ أشهر 5 أبلغ عن
اجابات

@مجهول اكيد لا مش هيوصلنا 😁 + 1 منذ أشهر 5 أبلغ عن

@مجهول عن إنفجار روسيا النوّوي ..
اللّي حصل السنة اللّي فاتت، تحديدًا في مارس ٢٠١٨ في مؤتمر صحفي روسي، أعلن فيه بوتين إن روسيا بتقوم بتطوير أسلحة جديدة فتّاكة في برنامجها العسكري الجديد ردّا على الإجراءات الأمنية اللّي الولايات المُتّحدة الأمريكية بتعمله في كُلّا من رومانيا وبولندا
بوتين قال إن الأسلحة دي من ضمنها نوع من الصواريخ اسمه 9M730 Burevestnik ومُميّزاته كتير من خفّة وزن مُكوّناته وإنطلاقه لمسافات أبعد بدقّة أكبر وقوة تدميرية أعلى وبيطير على إرتفاعات أقل من اللّي الرادارات تقدر تكتشفها .. وعرض ساعتها كام ڤيديو قصير تصوّري عن الصواريخ أثناء إطلاقها وتفجيرها وهكذا .. وبيعمل بالطّاقة النوّوية ..
مصدر الطّاقة دا عُبارة عن مُكوّن أو جهاز اسمه Radioisotope Thermoelectric Generator أو RTG .. وتقدر تترجمه ببساطة إلى مُولّد الطّاقة الكهروحرارية من النظائر المُشعّة .. وبدون الدخول في تفاصيل علمية مُعقّدة، الجهاز دا مش زيّ المُفاعل بيعتمد على عملية الإنشطار الذرّي والتفاعُل التسلسُلي، يعني مفيش إنفجارات ولا تصادُم ذرّات ولا أي حاجة من دي .. لأ .. الجهاز دا بيعتمد على تحويل الحرارة الناتجة من تحلّل المواد المُشعّة إلى كهرباء يُمكن استخدامها ..
الأجهزة الشبيهة بيتم تركيبها في سُفُن الفضاء والأقمار الصناعية في حالة إن البطّاريات الشمسية مبتعملش بالشكل المطلوب .. والميزة في الـ RTGs دول إنّهم مصدر يُعتمد عليه لتوليد الطّاقة بدون أي تهديد لتسريب أي إشعاعات واللّي لو حصل بتبقى بنسبة لا تكاد تُذكر ..
الإختبارات والتطويرات اللّي ذكرها بوتين دي بتتّم تحت إشراف ما يُدعى بـ Rosatom ودي مُنظمّة روسية مسئولة عن أي حاجة ليها علاقة بالطّاقة الذرّية في روسيا وهي الأولى في إمداد البلاد بالطّاقة الكهربائية وبيعمل تحت إيديها عشرات الهيئات والإدارات سواء في مجال الكهرباء، الطب، والصناعات الحديثة وغيرهم
للّي حصل الأسبوع اللّي فات
في قاعدة بحرية في منطقة أرخانجليسك، تحديدًا في نيونوسكا في شمال غرب روسيا على بُعد حوالي ١٢٨٧ كيلومتر من موسكو، قُرب القُطب الشمالي ودي اللّي بيتعمل فيها تقريبًا كافّة التجارب والإختبارات الخاصّة بالبحرية الروسية من تجارب إطلاق الصواريخ الباليستية والصواريخ المُضادّة للطيّارات وخلافه . + 1 منذ أشهر 5 أبلغ عن

@مجهول يوم الخميس الموافق ٨ أُغسطس، المنطقة دي شهدت إنفجار في المنطقة دي أثناء تجرُبة أحد الصواريخ اللّي إتكلمنا عنها فوق، خطأ عادي زيّه زيّ أي خطأ بيحصل أثناء إختبارات الإطلاق في أي مكان في العالم، بعد الإختبار مُحرك الصارخ إنفجر بالوقود السائل اللّي فيه .. بس اللّي عمل الضجّة المرّة دي حتّة إن الإنفجار المرّة دي يحمل شُبهة نووية
مات في الإنفجار دا ٥ من المُهندسين المُشتركين في عملية الإختبار، منهم ٢ يحملوا ألقاب ڤوشين وليبشيڤ صرّحت Rosatom في الأول إن جُثثهم لم يتم العثور عليها .. والـ ٣ التانيين تم نعتُهم بالأبطال هيتم تسليمهم لأهليهم لدفنهم وهم كوروتايڤ، بيشوجين ويانوڤسكي .. دا غير شوية مُصابين بقى يتراوح عددهم ما بين ١٠ إلى ١٥ تم إدخالهم للمُستشفيات وعلاجهُم بأدوية مُناسبة ضد إحتمالية تعرّضهُم للإشعاع الناتج عن الإنفجار .. طبعًا مع التصريحات إن أهالي المُصابين والقتلى هيتم تعويضهم ماليًا ..
الفكرة إنّ في ميناء المدينة المجاورة سيڤيرودڤينسك، على بُعد ٤٧ كيلومتر .. على موقع الإدارة المحليّة بتاعتهم تم الإعلان إن في إرتفاع بسيط عن المُعدّل الطبيعي في مُستوى الإشعاع تم إلتقاطه عقب الإنفجار على طول واستمر لمُدة حوالي ٤٠ دقيقة ورجع تاني للمستوى الطبيعي .. وحتّى الإرتفاع دا كان في حدود المُعدّلات الآمنة .. ارتفاع فنلندا والنرويج اللّي يُعتبروا أقرب الدول لروسيا نفوا وجوده أو إلتقاطه بأجهزتهم ولا حتّى شُبهة أي تسرُّب لمواد مُشعّة في الجو عندُهم
اللّي أصاب النّاس بالذُعر هو عدّة مُلاحظات كدة، أولّهم إن في تصريح إتقال إن جُثث الـ ٢ المُهندسين دول اترمت في البحر رُبما لإن جُثثهم كان فيها آثار إشعاع بالرغّم من إنّ Rosatom مصرّحتش بدا مُباشرة بس الفكرة إن بوتين قال دا من السنة اللّي فاتت زيّ ما إنت قريت فوق فدا عزّز الفكرة في دماغ النّاس .. بس اللّي اتقال إن الجُثّتين دول طاروا في البحر مع الإنفجار نفسه وهم مش لاقينهم لسّه .. بس لا هقولّك إنّهم إتلقوا وإتدفنوا مع الـ ٣ التانيين النهاردة الصُبح + 1 منذ أشهر 5 أبلغ عن

@مجهول دا غير إن التصريح اللّي كان على موقع سيڤيرودڤينسك الرسمي دا إتشال بعدها على طول ومتبّقاش منّه غير سكرينشوتس من اللّي النّاس خدتهم .. عشان السُلطات الروسية بطبعها كتومة ومبتقولش حاجة صريحة والرّوس نفسهم مبيثقوش في حكومتهم خصوصًا بعد حادث
تشيرنول في أوكرانيا ١٩٨٦ لمّا الحكومة خبّت وكدبت .. بس الإدارة نفسها صرّحت وقالت إنّها شالته عشان دي حاجة تخُص وزارة الدفاع وهُم فقط اللّي ينشروا الخبر عن طريقهم
بس طبعًا المنطقة كلّها لسّه منسيتش كارثة تشيرنوبل دي واللّي النّاس كلّها عرفتها بعد إنتشار المُسلسل، لدرجة إن أول ما تصريح إرتفاع مُستوى الإشعاع دا طلع الناس جريت تشتري أقراص يود من الصيدليات على أساس إنّ الغُدة الدرقية اللّي في عُنق الإنسان بتمتص اليود فلو إتعرّض الإنسان لإشعاعات بيبقى من ضمنها عُنصر اليود ١٣١ المُشع فبكدة الغُدّة هتمتصُّه .. فالأقراص دي هتدّيها كفايتها منّه فمش هتمتص العُنصر المُشع الصادر من التسريب .
النّاس معذورة خافت وفي ثواني ذكرى تشيرنوبل لمعت في عقولهم فخلّصوا مخزون الصيدليات من اليود بدون أي وعي .. ودي حاجة مفهومة بردو .. يعني مفيش حاجة اسمها الحكومة وزّعت عالنّاس يود ولا أي هري من اللّي إحنا كمصريين بنقوله دا، النّاس هي اللّي راحت اشترت أول ما عرفوا موضوع الإشعاع .. والفكرة إن تحارُب إطلاق صاروخ بيعمل بنظام الـ RTG اللّي شرحناه فوق طبيعي تسيب آثار طفيفة إمّا في مكان إطلاقه أو في مساره أثناء إطلاقُه .حتّى لو زي بعض النّاس ما قالت إن الصاروخ دا مكنش فيه جهاز الـ RTG لأ دا كان فيه ما يُشبه المُفاعل النوّوي الصغير وهو دا اللّي إنفجر، بردو مش هيعمل نفس التأثير اللّي النّاس مُتخيّلاه .. مش هيعمل تشيرنوبل تانية لأ.. والنّاس قالت إن القوّات اللّي شالت ضحايا الإنفجار كانوا لابسين اللّبس الوقائي ضد الإشعاعات .. طب ما طبيعي يعني !؟ مش بيتعاملوا في مكان داخل فيه عناصر مُشعّة .
ولّا موضوع عُنصر الروثينيوم ١٠٦ دا كمان اللّي بعض المصادر قالت إنّه إنتشر في طبقات الغُلاف الجوّي دا لأ وقالوا إنّه وصل لإسرائيل .. حابب أوضّح إن زيّ ما مفيش حاجة اسمها إسرائيل أصلًا فمفيش حاجة اسمها زيادة نسبة الروثيوم حصلت في وقت قريب، عشان الموضوع دا بيحكوا فيه بقالهم سنين، آخرهم في ٢٠١٧ .والتسريب دا من مُفاعل ماياك جنوب الإتحاد السوڤيتي واللّي كان حصل فيه مُصيبة شبيهة في ١٩٥٧ . + 1 منذ أشهر 5 أبلغ عن

@مجهول يعني ملوش أي علاقة بإنفجار نيونوسكا
بردو قالّك إنّ البحرية الرّوسية غيرت مسار الرحلات البحرية والشحن من خليج دڤينا القريب بعد قفل جزء من البحر الأبيض لمدّة شهر .. والفكرة إن لمّا النّاس ربطت دا بالإنفجار طلع مسئول رسمي من ميناء أرخينجليسك يحلف للنّاس إن القرار كان متّاخد من فترة قبل الإنفجار وإن دا ملوش أي علاقة بالحادث .. طب ما تفكّر فيها كدة معايا ؟ .. ما طبيعي يقفلوا المنطقة عشان يطلّعوا بقايا الحادث والصاروخ عشان ميبقاش في شهود عيان ولا حد يسرّب أي أخبار عن التجارُب اللّي المفروض إنّها سرّية وفي نفس الوقت يضمنوا إن المنطقة نضيفة من الإشعاعات ..!
طب وتواجد السفينة سيريبريانكا قُرب مكان الحادث ودي المعروف عنها إنّها مسئولة عن التخلّص من النفايات النّووية ما هي بتبقى موجودة في أي تجارب شبيهة .. وكانت موجودة أثناء تجارب ٢٠١٧ بردو اللّي قامت بيها Rosatom . أومال إيه موضوع إنفجار ضخم وسحابة عيش غُراب وصفافير إنذار ومُدن اتدمّرت وناس تم إخلائُهم ونهاية العالم دي صور وأخبار إنفجار تاني على بُعد آلاف الكيلومترات وقبلها بـ ٣ أيام كاملين ..! يعني ملوش أي علاقة بحادث نيونوسكا
دا كان حادث سببه برق في منطقة كرازنويارسك قُرب كامينكا في سيبيريا، ضرب جُزء مكشوف في مخزن ذخيرة كان فيه كمية مهولة من البارود بتقول بعض المصادر إنّها تكفّي ما يزيد عن الـ ٤٠ ألف دانة مدفع دبّابات تسبّبت في مقتل شخص واحد بس إصابة عالأقل ١٣ كانوا مُتواجدين قُرب مركز الإنفجار
طبعًا سلسلة إنفجارات بالعُنف دا لازم يصحبها صفير سرينات الإنذار في المناطق المُحيطة وتم إخلاء دايرة قُطرها حوالي ٢٠ كيلومتر حوالين المخزن وتوقف حركة الطيران في نفس المنطقة وحوالي ١٠٠٠ مواطن كانوا بالفعل هربوا مع بداية الإنفجارات غير سُكان مدينة أكينسك القريبة الحوالي ١٠٠ ألف اللّي جهّزوا نفسهم للإخلاء هُم كمان .. وخرج منهم ما لا يقل عن ١٦٥٠٠ مواطو حِرصًا على سلامتهم بس
يعني روسيا الفترة اللّي فاتت عانت من ٤ مصايب في خلال شهر واحد، أولّهم حادث في ١٤ يوليو على متْن غوّاصة نوّوية تسبّب في مقتل ١٤ بحّار في حريق كبير .. وراه على طول حرائق الـ ٢٠ ألف كيلومتر من غابات سيبيريا اللّي حكيتلكوا عليه .. وراه حادث المخزن دا .. وراه حادث نيونوسكا النوّوي + 1 منذ أشهر 5 أبلغ عن

@مجهول يعني مفيش ضرّر علينا ولا هنموت ولا في إشعاع هيوصلّنا + 1 منذ أشهر 5 أبلغ عن

اكتب إجابتك
اسئل سؤال
يرجي اضافة كلمة مفتاحية واحدة على الاقل
احدث الأسئلة

Thе bеst girls for sеx in yоur tоwn: http://freeurlredirect.com/datingsexygirlsinyourcity734545 Sех dating in thе UK | Girls fоr sеx in the UK: http://freeurlforwarder.com/adultdating300292 0 مشاهدات

Dating site for sеx with girls in Cаnаdа: http://freeurlredirect.com/datingsexygirlsinyourcity177084 Dаting site for seх with girls in Frаnсe: https://1borsa.com/datingsexygirlsinyourcity548439 2 مشاهدات

Adult bеst 100 freе cаnаdiаn dating sitеs: https://ecuadortenisclub.com/adultdating958394 Get tо кnоw, fuск. SEX dаting nеarbу: https://darknesstr.com/adultdating330535 3 مشاهدات

Adult nativе americаn dаting online: https://1borsa.com/datingsexygirlsinyourcity586092 Аdult onlinе dаting mobile numbеrs: http://xsle.net/datingsexygirlsinyourcity85011 4 مشاهدات

Вeautiful girls fоr sех in уоur сitу: http://freeurlredirect.com/adultdating783296 Adult dating online аmеriсan singlеs: https://bogazicitente.com/datingsexygirlsinyourcity755716 4 مشاهدات

جميع الأسئلة
علامات

#Chernobyl هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#تشرنوبيل هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#الكارثة النووية هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#يوصل هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#الاشعاع هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#روسيا هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#النوويه هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#كارثة هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#حكاية هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

#ممكن هذه الكلمة مفتاحية تحتاج إلى وصف , يمكنك أن تساهم و تكسب بعض النقاط , انقر على اسم الكلمة مفتاحية وملء الوصف

جميع الكلمات المفتاحية